Jesus tyukmëtmaytyakë jäˈäy ja Anaˈam Kutujkën diˈib tsäjpotm. Nan tyukniˈˈijxë parë tninuˈkxtäägëdët ets ja Diosë xyëëw wyäˈätsët, myinët ja Anaˈam Kutujkën ets ja tsyojkën yajtunët yä naxwiiny. Pën jamë mˈuˈunk mˈënäˈk, pudëkëdë parë tjaygyukëdët tidën yˈandijpyë tadë nuˈkxtakën parë ëtsäjtëm. Jesus kyaj tnasˈijxë etsë Satanás tyukmastuˈudëdët ja Dios, niˈigyë tjotmooyë Diosë tyuunk. Wyinˈijx ja yˈapostëlëty diˈibë nety tunandëp mä Diosë yˈAnaˈam Kyutujkën. Ets komë Jesus pyudëkëyaambyë netyë jäˈäy, pääty dyaˈˈagëdakyë päˈäm jäˈäy, dyajkääy dyaˈukyë mayjyaˈay ets axtë yajjukypyëjkë oˈkpë. Ko duˈun ttuunyë miläägrë, yëˈë yajnigëxëˈk ko nanduˈun tijaty ttukmëdunäˈänyë naxwinyëdë jäˈäy ko nety yˈaneˈemy mä Diosë yˈAnaˈam Kyutujkën.