Naanin Ijjino ko ñan Jebta 12
Jesus ear katakin armej ro kõn Aelõñ ak kien eo an Anij ilañ. Ear bareinwõt katakin er ñan jar bwe en kwõjarjar etan Anij, en itok an Aelõñ, im bwe en jejjet ankilaan Anij ijin ioon lal̦. El̦aññe ewõr nejũm̦, kõmel̦el̦eiki kõn mel̦el̦ein jar in im joñan an aorõk ñan kõj armej. Jesus ear jab kõtl̦o̦k bwe Setan en kabõjrake jãn an tiljek ñan Jeova. Ear kããlõt rijjilõk ro an, im kar er eo m̦oktata rar uwaan Aelõñ eo an Anij ilañ, ijo renaaj kõm̦m̦ane jerbal ko raorõk ie. L̦õmn̦ak kõn joñan kijejeto eo an Jesus kõn kabuñ eo em̦ool. Kõn an kar kõn̦aan jipañ ro jet, men in ear kõm̦akũti ñan kõmour ro renañinmej, naajdik ro rekwõle, im kejerkak ro remej. Aolep menin kabwilõñlõñ kein rej pijaikl̦o̦k ta ko kien eo an Anij enaaj kõm̦m̦ani ñan armej ro.
ILO JEBTA IN
KATAK 75
Setan Ej Kajjioñ Kapo Jesus
Jilu alen an kar Setan kajjioñ kapo Jesus. Ta kar menin kapo ko jilu Setan ear kajjioñ kapo Jesus kaki? Ewi wãween an kar Jesus uwaake Setan?
KATAK 76
Jesus Ej Kadiwõjl̦o̦k Ruwiakake Ro jãn Tampel̦ Eo
Etke Jesus ej kõm̦m̦an juon toin deñdeñ im ubaakel̦o̦k menninmour ko jãn lowaan tampel̦ eo im ukõji tebõl̦ ko an rijãnij jããn ro?
KATAK 77
Kõrã Eo Iturin Aebõj Lal̦ Eo
Kõrã in Sameria eo iturin aebõj lal̦ eo an Jekob ear bwilõñ ke Jesus ear kõnnaanl̦o̦k ñane. Etke? Ta eo Jesus ear ba ñane me ejjañin kar jiroñ jabdewõt kake?
KATAK 78
Jesus Ej Kwal̦o̦k Nuuj eo kõn Aelõñ Eo
Jesus ej kũr jet iaan rũkal̦oor ro an bwe ren “rieo̦ñõd armej.” Tokãlik ej katakin im kammineneik rũkal̦oor ro an 70 kilen kwal̦o̦k naan kõn nuuj eo em̦m̦an kõn Aelõñ eo.
KATAK 79
Jesus Ej Kõm̦m̦an Elõñ Menin Bwilõñ Ko
Jabdewõt jikin ko ear etal ie l̦o̦k, armej ro renañinmej rar kepaake im kajjitõk jipañ jãn e, im ear kõmour er aolep. Joñan, ear kõjerkak juon ledik jidikdik jãn an kar mej.
KATAK 81
Katak eo An Ioon Tol̦ Eo
Jesus ej kwal̦o̦k katak ko raorõk ñan juon jarlepju in armej ro me rar kuktok ippãn doon.
KATAK 82
Jesus Ej Katakin Rũkal̦oor Ro An Kilen Jar
Ta ko ear ba ñan rũkal̦oor ro an bwe ren wõnm̦aanl̦o̦k wõt im kajjitõk ippãn Anij?
KATAK 83
Jesus Ej Naajdik Elõñ To̦ujin Armej
Ta eo menin kabwilõñlõñ in ej kwal̦o̦k kõn Jesus im Jeova?
KATAK 84
Jesus Ej Etetal Ioon Dãn
L̦õmn̦ak m̦õk kõn kar eñjake eo an rijjilõk ro ke rar lo menin kabwilõñlõñ eo?
KATAK 85
Jesus Ej Kõmour Armej ilo Raanin Jabõt
Etke ejjab aolep rej m̦õn̦õn̦õ kõn men eo ej kõm̦m̦ane?
KATAK 86
Jesus Ear Kõjerkakpeje Lazerõs
Ke Jesus ej lo an Meri jañ, ear bareinwõt jino an jañ. Ak ear jako aer jañ im rar oktak im m̦õn̦õn̦õ.