Ġesù għallem lin-​nies dwar is-​Saltna tas-​smewwiet. Hu għallimhom ukoll jitolbu biex l-​isem t’Alla jiġi mqaddes, biex tiġi s-​Saltna taʼ Ġeħova, u biex issir ir-​rieda Tiegħu fuq l-​art. Jekk int ġenitur, spjega lil bintek jew lil ibnek xi tfisser din it-​talba u kemm din hi importanti f’ħajjitna. Ġesù ma ħalliex lil Satana jkissirlu l-​lealtà tiegħu. Ġesù għażel l-​appostli tiegħu, u huma saru l-​ewwel membri tas-​Saltna li fiha għandhom irwol importanti. Innota ż-​żelu taʼ Ġesù għall-​qima vera. Minħabba li ried jgħin lin-​nies, Ġesù fejjaq lill-​morda, temaʼ lil min kien bil-​ġuħ, u anki qajjem lil mejtin. B’dawn il-​mirakli kollha, hu wera x’se tagħmel is-​Saltna għan-​nies kollha.