အပိုင်း ၁၂ နိဒါန်း
ယေရှုဟာ ကောင်းကင်နိုင်ငံတော်အကြောင်းနဲ့ ဘုရားသခင့်နာမည် သန့်ရှင်းမြင့်မြတ်ဖို့၊ နိုင်ငံတော်လာဖို့၊ အလိုတော် မြေကြီးပေါ် ပြည့်စုံလာဖို့ ဆုတောင်းဖို့ သင်ပေးခဲ့တယ်။ မိဘဖြစ်မယ်ဆိုရင် အဲဒီဆုတောင်းချက်ဟာ ဘာအဓိပ္ပာယ်ရှိမှန်း ကလေးကို ရှင်းပြပါ။ ယေရှုဟာ စာတန်ကြောင့် သူ့သစ္စာစောင့်သိမှုကို အပျက်မခံဘူး။ ယေရှုဟာ တမန်တော်တွေကို ရွေးချယ်တယ်၊ သူတို့ဟာ နိုင်ငံတော်ရဲ့ အုတ်မြစ်တွေ ဖြစ်လာတယ်။ စစ်မှန်တဲ့ဝတ်ပြုရေးဘက် ယေရှုရဲ့ ထက်သန်တဲ့စိတ်ကို သတိပြုပါ။ ယေရှုဟာ တခြားသူတွေကို ကူညီပေးချင်လို့ ဖျားနာသူတွေကို ကုသပေးခဲ့၊ ဆာလောင်နေသူတွေကို ကျွေးမွေးခဲ့၊ လူသေတွေကိုတောင် အသက်ပြန်ရှင်အောင် လုပ်ပေးခဲ့တယ်။ ဒီနိုင်ငံတော် လုပ်ပေးမယ့်အရာတွေကို ဒီအံ့ဖွယ်လုပ်ရပ်တွေနဲ့ ယေရှု ပြခဲ့တယ်။
ဒီအပိုင်းမှာ
သင်ခန်းစာ ၇၄
ယေရှု မေရှိယဖြစ်လာ
ယေရှုဟာ ဘုရားသခင်ရဲ့ သိုးသငယ်ဖြစ်တယ်လို့ ဘာအဓိပ္ပာယ်နဲ့ ယောဟန်ပြောသလဲ။
သင်ခန်းစာ ၇၅
ယေရှုကို မာရ်နတ်စမ်းသပ်
ယေရှုကို မာရ်နတ် သုံးကြိမ်စမ်းသပ်တယ်။ သူ စမ်းသပ်တဲ့ နည်းသုံးနည်းက ဘာလဲ။ ယေရှု ဘယ်လို တုံ့ပြန်ခဲ့သလဲ။
သင်ခန်းစာ ၇၆
ယေရှု ဗိမာန်တော်ကို ရှင်းလင်း
ဗိမာန်တော်ထဲက တိရစ္ဆာန်တွေကို ယေရှု ဘာကြောင့် မောင်းထုတ်တာလဲ။ ငွေလဲလှယ်သူတွေရဲ့ စားပွဲတွေကို ဘာကြောင့် မှောက်ပစ်လိုက်တာလဲ။
သင်ခန်းစာ ၇၇
ရေတွင်းနားက အမျိုးသမီး
ယာကုပ်ရေတွင်းမှာ ရှမာရိအမျိုးသမီးကို ယေရှု စကားပြောတဲ့အတွက် အမျိုးသမီးအံ့ဩသွားတယ်။ ဘာကြောင့်လဲ။ ယေရှုက ဘယ်သူ့ကိုမှ မပြောပြဖူးတဲ့ ဘာစကားကို ပြောခဲ့သလဲ။
သင်ခန်းစာ ၇၈
ယေရှု နိုင်ငံတော်သတင်း ဟောပြော
ယေရှုဟာ တပည့်တချို့ကို “လူဖမ်းတဲ့ တံငါသည်တွေ” ဖြစ်ဖို့ ဖိတ်ခေါ်တယ်။ နောက်ပိုင်းမှာ တပည့် ၇၀ ကိုလေ့ကျင့်ပေးပြီး သတင်းကောင်းကို သွားဟောပြောစေတယ်။
သင်ခန်းစာ ၇၉
ယေရှု အံ့ဩစရာတွေ လုပ်ပြ
ယေရှု ဘယ်ကိုပဲသွားသွား လူနာတွေ သူ့ဆီလာကြတယ်၊ သူတို့ကို ရောဂါပျောက်စေတယ်။ သေနေတဲ့ ကလေးမလေးကိုတောင် အသက်ပြန်ရှင်စေတယ်။
သင်ခန်းစာ ၈၀
ယေရှု တမန်တော် တစ်ဆယ့်နှစ်ယောက်ကို ရွေးချယ်
သူတို့ကို ဘာလို့ရွေးတာလဲ။ သူတို့ရဲ့ နာမည်တွေကို မှတ်မိသလား။
သင်ခန်းစာ ၈၂
ယေရှုက တပည့်တွေကို ဆုတောင်းတတ်ဖို့ သင်ပေး
ဘာတွေအတွက် ဆက်ဆုတောင်းနေဖို့ တပည့်တွေကို ပြောသလဲ။
သင်ခန်းစာ ၈၃
ယေရှု လူထောင်နဲ့ချီကို ကျွေးမွေး
ဒီအံ့သြစရာကောင်းတဲ့အလုပ်က ယေရှုနဲ့ ယေဟောဝါအကြောင်း ဘာသိစေသလဲ။
သင်ခန်းစာ ၈၆
ယေရှုက လာဇရုကို အသက်ပြန်ရှင်လာစေ
ယေရှုက မာရိငိုနေတာ တွေ့တဲ့အခါ သူပါ မျက်ရည်ကျခဲ့တယ်။ ဒါပေမဲ့ မကြာခင်မှာ မျက်ရည်ကျရာကနေ ပျော်ရွှင်လိုက်ကြရတယ်။