Yesu ua longesele vantu via Vuangana vua muilu. Ua va longesele naua ku vundila linga va lelese lizina lia Njambi, Vuangana vueni vu-ize na cizango ceni va ci linge ha mavu. Nga mua pua cisemi, lombololuenu muanenu vika ca lomboloka eci civundilo kuli yetu. Yesu ka tavesele Satana a tsihe lukakatela lueni. Yesu ua hanguile vandongisi veni kaha va puile vantu va katete ha kati ka vaze va ku suana mu Vuangana. Monenu ntuima ya kele nayo Yesu ku ku lemesa ca vusunga. Yesu ua kanguisile vavezi, ua lisile vakua ndzala na ku sangula vatsi, muomu ua tondele ku kuasa vantu. Ku hitila mu vikomoueso viose evi, ua muesele vi vu ka lingila vantu Vuangana.