Kampa peua tlaxeloli 12
Jesús tlamachtik tlen toTeotsij iTlanauatijkayo. Nojkia tlamachtik kema timomaijtosej moneki titlajtlanisej ma moueyichiua toTeotsij itoka, ma tekichiua iTlanauatijkayo uan ma mochiua ipakilis ipan Tlaltipaktli. Tlaj tikinpia mokoneuaj, xikinpaleui ma kikuamachilikaj kenijkatsa techpaleuia nopa tlamaijtoli. Jesús amo kema kitlauelkajki toTeotsij maske Satanás kiyejyekok, uan kinextik kinekiyaya kiueyichiuas toTeotsij ika nochi iyolo. Kintlapejpenik iapóstoles, uan inijuantij elkej katli achtoui kintlapejpenijkej ma tlanauatikaj ipan toTeotsij iTlanauatijkayo. Uan pampa Jesús kinekiyaya kinpaleuis maseualmej, kinchikajki, kintlamakak uan sekij kinyolkuik. Kiampa kinextik tlen toTeotsij iTlanauatijkayo kichiuas teipa.
TLEN NIKAJ ONKA
TLAMACHTILI 74
Jesús mochijki Mesías
¿Tlake kiijtosnejki Juan kema kiijtok Jesús eliyaya toTeotsij ipilBorregojtsi?
TLAMACHTILI 75
Diablo kiyejyekok Jesús
Diablo expa kiyejyekok Jesús. ¿Ika tlake eyi tlamantli kiyejyekok? ¿Kenijkatsa kinankilik Jesús?
TLAMACHTILI 76
Jesús kinkixtik tlanamakanij
¿Kenke Jesús kinkixtik tlapialmej tlen teokali uan kiixkuepki nopa mesas kampa kipixtoyaj inintomij?
TLAMACHTILI 77
Jesús kinojnotski se siuatl ipan ameli
¿Kenke nopa siuatl samariaejketl mosentlachilik kema Jesús kinojnotski? ¿Tlake kiiljuik Jesús nopa siuatl tlen amo aka kiiljuijtoya?
TLAMACHTILI 78
Jesús kimoyajki nopa kuali tlamachtili tlen toTeotsij iTlanauatijkayo
Jesús kiniljuik itokilijkauaj ma kinmachtikaj maseualmej. Teipa kinmachtik 70 itokilijkauaj kenijkatsa tlajtolmoyauasej.
TLAMACHTILI 79
Jesús kichijki miak uejueyi tlamantli
Kampa ueli kampa Jesús yauiyaya, katli mokokouayayaj kiiljuiyayaj ma kinchikaua, uan ya kinchikauayaya. Nojkia kiyolkuik se siuapil.
TLAMACHTILI 80
Jesús kintlapejpenik 12 apóstoles
¿Kenke Jesús kintlapejpenik iapóstoles? ¿Tikilnamiki inintoka?
TLAMACHTILI 81
Jesús tlamachtik ipan se tepetl
Jesús kinmachtik miakej maseualmej miak tlamantli tlen kuali.
TLAMACHTILI 82
Jesús kinmachtik itokilijkauaj ma momaijtokaj
¿Tlake kiniljuik itokilijkauaj nochipa ma tlajtlantokaj?
TLAMACHTILI 83
Jesús kintlamakak tlauel miakej
¿Tlake techmachtia tlen Jehová uan Jesús kema kintlamakakej tlauel miakej?
TLAMACHTILI 84
Jesús nejnenki aixko
¿Kenijkatsa timoiljuia kiyolmatkej apóstoles kema kiitakej tlen Jesús kichijki?
TLAMACHTILI 86
Jesús kiyolkuik Lázaro
Kema Jesús kiitak María chokayaya, ya nojkia pejki mochokilia. Maske mokuesojtoyaj, teipa yolpajkej.
