Jesús ika tajtoj Tekiuajyot tein moajsi iluikak. No tamachtij maj se motataujti maj itokay Dios moueyitali, maj uiki iTekiuajyo uan maj mochiua itanejnekilis nikan taltikpak. Komo tikonpia konemej, xikonpaleui maj kiajsikamatikan keniuj moneki tikitaskej nejon netataujtil. Jesús amo kikauak maj Satanás kichiuani maj amo kitakamatiok Dios, ta kinextij ke yekmelauj kipatiuitaya taueyichiualis tein melauak. Kinixpejpenak itatitaniluan, akin yekinika pouiskiaj itech Tekiuajyot uan kichiuaskiaj se tekit tein motelneki. Uan kemej kinekia kinpaleuis oksekin, Jesús kinpajtij akin mokokouayaj, kintamakak akin mayanayaj uan hasta kinajokuik seki mikemej. Ika  nochi nejin uejueyi tachiualismej, kinextij keniuj Tekiuajyot kinpaleuis taltikpakneminij.