Jesu wakajijisa vandhu ngo pamusoro po Umambo hwo mugore. Iyena wakavajijisazve kuti vakumbire kuti zina ra Mwari riceneswe, kuviya ko Umambo hwa Mwari no kuda kwake kuitike pasi pano. Kudari muri mubari, durujiranyi mwana wenyu kuti mukumbiro wondhowo unorevenyi kwatiri. Jesu aazivi kutendera kuti Sathana aparaje kugondeka kwake. Jesu wakasana vapostori vake zve ndivona vakava vokutanga vakaita divi ro Umambo. Vonanyi kuvangisira kwaita Jesu pa kunamata ko cokwadi. Ngokuti iyena waida kubesera vamweni, Jesu wairapa vaihwaja, waigutisa vano njara, pikija kutomusa vandhu vakafa. Jesu paakaita zvishamaiso izvi, waitatija zvicazoitihwa vandhu ngo Umambo.