Efalomo lyoshitopolwa oshi-12
Jesus okwa li a longo aantu kombinga yUukwaniilwa womegulu. Okwe ya longo wo ya galikane edhina lyaKalunga li yapulwe, oshilongo she nenge Uukwaniilwa we wu ye nehalo lye li gwanithwe kombanda yevi. Ngele ngoye omuvali, yelithila omumwoye kutya egalikano ndyoka otali ti shike kutse. Jesus ka li e etha Satana a teye po uudhiginini we. Okwa li a hogolola aayapostoli ye, mboka ya ningi iilyo yotango yUukwaniilwa notaya ka longa iilonga ya simana muwo. Mona nkene Jesus a li e na uulaadhi, omolwelongelokalunga lyashili. Molwaashoka Jesus okwa li a hala okukwathela aantu, okwa aludha aavu, okwa palutha aasindjala nokwa yumudha aantu. Sho a longo iikumithalonga ayihe mbyoka, oku ulike shoka Uukwaniilwa tawu ka ningila aantu.he demonstrated what the Kingdom will do for mankind.
MOSHITOPOLWA SHIKA
OSHIILONGOMWA 74
Jesus ta ningi Mesiasa
Johannes okwa li a hala okutya shike sho a ti Jesus oye Onzigona yaKalunga?
OSHIILONGOMWA 75
Ondiyapoli tayi makele Jesus
Ondiyapoli oya makele Jesus lwiikando itatu. Omamakelo gatatu ngoka a makelwa nago ogeni? Jesus okwi inyenge ngiini kugo?
OSHIILONGOMWA 76
Jesus to opaleke motempeli
Omolwashike Jesus a tidha mo iinamwenyo motempeli e tu undulile pevi iitaafula yiimaliwa yaalandithi?
OSHIILONGOMWA 77
Omukiintu pomuthima
Omukiintu Omusamaria ngoka a li pomuthima gwaJakob okwa li a kumwa sho Jesus a popi naye. Omolwashike mbela? Jesus okwe mu lombwele shike shoka inaa lombwela nando omuntu gulwe?
OSHIILONGOMWA 78
Jesus tu uvitha etumwalaka lyUukwaniilwa
Jesus ta hiya yamwe yomaalongwa ye ya ninge “aayuli yaantu.” Konima yethimbo, okwa dheula aalanduli ye 70 ye ku uvithe onkundana ombwanawa.
OSHIILONGOMWA 79
Jesus ta longo iikumithalonga oyindji
Kehe mpoka Jesus a yi, aavu oye ya kuye e ya kwathele nokwe ya aludha. Okwa yumudha nokuli okakadhona hoka ka li ka sa.
OSHIILONGOMWA 80
Jesus ta hogolola aayapostoli 12
Jesus okwa hogolola aayapostoli 12 nelalakano lyashike? Mbela oto dhimbulukwa omadhina gawo?
OSHIILONGOMWA 81
Euvitho lyokOndundu
Jesus ta longo ongundu yaantu mboka ya gongala iinima ya simana.
OSHIILONGOMWA 82
Jesus ta longo aalongwa ye nkene ye na okugalikana
Iinima yini Jesus a li a lombwele aalongwa ye ya kale tayi indile?
OSHIILONGOMWA 83
Jesus ta kutitha aantu omayuvi
Mbela oshikumithalonga shika otashi tu longo shike kombinga yaJesus naJehova?
OSHIILONGOMWA 84
Jesus te ende kombanda yomeya
Mbela owu shi kutya aayapostoli oya li yu uvite ngiini, sho ya mono oshikumithalonga shika?
OSHIILONGOMWA 85
Jesus ta aludha mesiku lyEsabati
Omolwashike aantu oyendji ya li inaaya nyanyukilwa shoka Jesus a li ta ningi?
OSHIILONGOMWA 86
Jesus ta yumudha Lasarus
Sho Jesus a mono Maria ta lili, naye okwa tameke okulila. Ihe omahodhi gawo oga ka shituka enyanyu.