Jesu o rutile batho ka Mmušo wa Modimo wo o lego legodimong. E bile o ba rutile gore ba rapelele gore leina la Modimo le kgethagatšwe, Mmušo wa gagwe o tle, le gore thato ya gagwe e direge mo lefaseng. Ge e ba o le motswadi, thuša ngwana wa gago gore a kwešiše seo thapelo ye e se bolelago. Jesu o ile a gana ge Sathane a be a nyaka go mo dira gore a se kwe Jehofa. Jesu o ile a kgetha baapostola ba gagwe. Baapostola bao e be e tla ba bona bao ba bego ba tlo thuša Jesu go buša. Ithute kamoo Jesu a ilego a šomela Jehofa ka mafolofolo. Ka ge Jesu a be a rata go thuša batho ba bangwe, o ile a fodiša balwetši, a fepa bao ba bego ba swerwe ke tlala, a ba a tsoša le bahu. Mehlolo yeo a e dirilego e bontšha gore o tlo re direla dilo tšeo ge a tla be a buša.