Ebirikwanjura Ekicweka 12
Yesu akeegyesa abantu aha Bukama bw’omu iguru. Kandi akabeegyesa kushaba ngu eiziina rya Ruhanga ryezibwe, Obukama bwe bwije, n’ebi Ruhanga arikukunda bikorwe omu nsi. Waaba ori omuzaire, shoboororera omwana waawe eki eshaara egi erikumanyisa. Yesu taraikiriize Sitaane kushiisha obwesigwa bwe. Yesu akatoorana entumwa ze, kandi zikaba omusingi gw’Obukama. Yetegyereze oku Yesu yaabaire ainiire okuramya okw’amazima omujinya. Ahabw’okugira ngu Yesu akaba naayenda kuhwera abandi, akatambira abarwaire, yaariisa abaabaire baine enjara, kandi yaazoora n’abaafiire. Ahabw’eby’okutangaaza ebyo byona, akooreka eki Obukama buraakorere abantu.
OMU KICWEKA EKI
EISHOMO 74
Yesu Okuhinduka Mesia
Yohaana akaba naamanyisa ki obu yaagira ngu Yesu n’Omwana gw’entaama wa Ruhanga?
EISHOMO 75
Omuregi Okugyeza Yesu
Omuregi akagyeza Yesu emirundi eshatu. Ebigyezo bishatu nibiiha? Yesu akakora ki?
EISHOMO 76
Yesu Okushemeza Hekalu
Ahabw’enki Yesu yaabingire ente n’entaama omu hekalu kandi akajuumika n’emeeza nibakora eby’obushuubuzi?
EISHOMO 77
Omukazi aha Iziba
Omusamariakazi aha iziba rya Yakobo akatangaara ahabw’okugira ngu Yesu akagamba nawe. Ahabw’enki? Yesu akamugambira ki eki yaabaire atakagambiraga bandi?
EISHOMO 78
Yesu Okubuurira Amakuru g’Obukama
Yesu akeeta bamwe aha beegi be kuhinduka “abajubi b’abantu.” Bwanyima, akatendeka abandi 70 aha bakuratsi be kubuurira obutumwa bw’amakuru marungi.
EISHOMO 79
Yesu okukora Eby’okutangaaza Bingi
Abantu abarwaire bakaba baza ahu Yesu yaabaire aza yoona ngu abahwere, kandi akaba abatambira. Akazoora n’omwishiki muto.
EISHOMO 80
Yesu Okutoorana Entumwa Ikumi na Babiri
Ahabw’enki yaabatooraine? Noijuka amaziina gaabo?
EISHOMO 81
Orubazo Rw’aha Rushozi
Yesu akeegyesa ebintu bikuru abantu baingi abaabaire beeteeraniire hamwe.
EISHOMO 82
Yesu Okwegyesa Entumwa Ze Okushaba
Ni bintu ki ebi Yesu yaagambiire abeegi be kuguma nibashaba?
EISHOMO 84
Yesu Okugyendera aha Maizi
Teekateeka aha ku entumwa zaayehuriire ku zaareebire eky’okutangaaza eki?
EISHOMO 85
Yesu Okutambira Omuntu aha Sabato
Ahabw’enki abamwe batarashemereirwe ahabw’eki yaakozire?
EISHOMO 86
Yesu Okuzoora Laazaaro
Yesu ku yaareebire Mariamu naarira, nawe akarira. Kwonka ahonaaho okurira kwabo kukahinduka okushemererwa.