12 tʼaqaj qallariynin
Jesusqa cielopi kaj Gobiernomanta runasman yachacherqa. Chantapis yachachillarqataj mañakunanchejta Diospa sutin jatunchasqa kananta, Gobiernon jamunanta, munaynin kay jallpʼapi ruwakunanta ima. Wawasniykimantaj chay mañakuymanta yachachiy. Jesusqa mana saqerqachu Satanás payta pantachinanta, astawanpis payqa sonqo kʼajaywan Diosta yupaycharqa. Chantapis payqa apostolesta ajllarqa, paykunataj Diospa Gobiernonpi cimiento jina kananku karqa. Jesusqa runasta yanapananpaj onqosqasta sanoyacherqa, yarqhasqasman mikhunata qorqa, wañusqastapis kausaricherqa. Chayta ruwaspataj imastachus Diospa Gobiernonpi ruwananta rikucherqa.
KAY TʼAQAPI
CAPÍTULO 74
Jesusqa Mesiasman tukun
Juanqa nerqa Jesús Diospa Corderon kasqanta. Chayta nispa, ¿imatá niyta munasharqa?
CAPÍTULO 75
Satanasqa Jesusta pantachiyta munan
Satanasqa Jesusta kinsa kutita pruebaman churarqa. ¿Mayqenkunataj chaykuna karqanku? ¿Imatataj Jesús kuticherqa?
CAPÍTULO 76
Jesús templopi vendejkunata qharqon
¿Imaraykutaj Jesús uj seqʼonata ruwakorqa, animalestapis templomanta qharqorqa? ¿Imaraykutaj qolqeta cambiajkunaj mesasninkuta tijrararqa?
CAPÍTULO 77
Jesusqa uj warmiwan parlan
¿Imajtintaj uj samaritana warmi tʼukorqa Jacobpa pozon chaypi Jesús parlapajtin? ¿Imatataj Jesús uj samaritana warmiman willarqa?
CAPÍTULO 78
Jesús willan Diospa Gobiernonmanta
Jesusqa yachachisqasninta runa japʼej pescadores kanankuta nerqa. Chantá 70 yachachisqasninta sumajta wakicherqa sumaj willaykunata willamunankupaj.
CAPÍTULO 79
Jesusqa ashkha milagrosta ruwarqa
Maymanchá Jesús rerqa, chaypi onqosqas sanoyachinanta mañakoj kanku, paytaj sanoyachej. Payqa uj imillitatapis kausaricherqa.
CAPÍTULO 80
Jesús 12 apostolesninta ajllan
¿Imapajtaj apostolesta Jesús ajllarqa? Chay apostolespa, ¿sutisninkuta yachankichu?
CAPÍTULO 82
Jesús Diosmanta mañakuyta yachachin
¿Imasta mañakunankutataj Jesús yachachisqasninman nerqa?
CAPÍTULO 83
Jesús ashkha runasman mikhuchin
¿Imatataj kay milagro yachachiwanchej Jehová Diosmanta, Jesusmanta ima?
CAPÍTULO 84
Jesús yaku patanta purerqa
Apóstoles, ¿imaynataj kashankuman karqa Jesús wayrata thañichisqanta, qochatapis tiyaykuchisqanta rikuspa?
CAPÍTULO 85
Samarikuna Pʼunchaypi sanoyachin
¿Imaraykutaj wakin runas phiñakorqanku Jesuspa ruwasqanmanta?
CAPÍTULO 86
Jesús Lazarota kausarichin
Jesusqa María mayta waqasqanta rikuspa waqarikorqa. Jinapis Lázaro kausarimojtin runasqa mayta kusikorqanku.
