Jesús xtzijon chrij ri Rajawbʼal che kʼo pa ri kaj. Xuqujeʼ xukʼutu che ktaʼ pa chʼawem che kbʼan chʼajchʼoj che ri ubʼiʼ Dios, che kpe ri Rajawbʼal xuqujeʼ che kbʼan ri urayibʼal cho ri uwach Ulew. We e kʼo awalkʼwal, cheʼatoʼ rech kkichʼobʼ ri kraj kubʼij wajun chʼawem riʼ. Jesús xuya taj che Satanás xresaj ri usukʼilal, are rukʼ kikotemal xutoʼ ri qastzij qʼijilanik. Xeʼuchaʼ ri rajtijoxelabʼ, che are e nabʼe taq winaq rech ri Ajawbʼal. Rumal che kraj keʼutoʼ nikʼaj chik, Jesús xeʼukunaj yawabʼibʼ, xeʼutzuq ri kenumik xuqujeʼ xeʼukʼastajisaj jujun kaminaqibʼ. Rukʼ ronojel ri e milagros riʼ, xukʼut ri kubʼan na ri Ajawbʼal pa kiwiʼ ri winaq.