12 kaq willakïkunachö imakunapaq parlanqan
Ciëluchö Gobiernupitam Jesusqa yachatsikurqan. Jina Diospa jutin alläpa respëtuwan rikashqa kanampaq, Gobiernun shamunampaq, y patsachö munënin rurakänampaq mañakunapaqmi yachatsikurqan. Wamrëkikuna kaptinqa, tsëkunapaq mañakunantsik imanir precisanqanta entienditsi. Jesusqa Jehoväta kuyarninmi Satanas tentaptin ishkirqantsu, tsënömi shonqupita patsë Jehoväta adoranqanta rikätsikurqan. Diospa Gobiernumpaq cimientu cuenta kayänampaqmi apostolkunata akrarqan. Y kuyakoq karmi qeshyëkaqkunata kachakätsirqan, mallaqaqkunata pachan qararqan y wanushqakunata kawaritsirqan. Tsëkunam rikätsikurqan Diospa Gobiernunchö ruramunampaq kaqkunata.
KË KAQ GRÜPU WILLAKÏKUNACHÖ
75 KAQ WILLAKÏ
Diabluqa Jesustam tentëta munarqan
Diabluqa Jesustam kima kuti tentëta munarqan. ¿Mëqantaq tsë kima tentacionkuna kayarqan? ¿Ima nirqantaq Jesusqa?
76 KAQ WILLAKÏ
Jesusqa templutam limpiarqan
¿Imanirtaq Jesusqa animalkunata templupita qarqurqan y qellë trokaqkunapa mësankunata tikrakacharkurqan?
77 KAQ WILLAKÏ
Samariapita warmitam Jesus parlaparqan
Jacob ruratsinqan pözuman ëwarnin, ¿imanirtaq Samariapita warmi espantakurqan Jesus parlapëkuptin? Mana pitapis willanqantam Jesusqa Samaria warmita willarqan, ¿imatataq willarqan?
78 KAQ WILLAKÏ
Diospa Gobiernumpitam Jesusqa parlaq
Jesusqa wakin qateqninkunatam nunakunata pesquëta yachatsinampaq invitarqan. Tsëpitanam 70 qateqninkunata yachatsirqan alli noticiakunata willakuyänampaq.
79 KAQ WILLAKÏ
Jesusqa atska milagrukunatam rurarqan
Mëta ëwanqanchöpis qeshyëkaqkunaqa Jesus yanapëkunampaqmi mañakuyarqan, y pëqa llapankunatam kachakätsirqan. Hasta juk warmi wamratapis kawariratsirqanmi.
82 KAQ WILLAKÏ
Diosman mañakïta Jesus yachatsikunqan
¿Imata mañakur sïguiyänampaqtaq qateqninkunata Jesus nirqan?
83 KAQ WILLAKÏ
Mëtsikaqtam Jesusqa pachan qararqan
¿Imatataq tsë milagruqa Jesuspita y Jehoväpita yachatsimantsik?
84 KAQ WILLAKÏ
Jesusqa yaku jananchömi purirqan
Pensari, ¿imanöraq apostolkuna sientikuyarqan tsë milagruta rikëkur?
85 KAQ WILLAKÏ
Juk nunatam säbaduchö kachakäratsirqan
¿Imanirtaq wakinkunataqa gustarqantsu Jesus ruranqan?
86 KAQ WILLAKÏ
Jesusqa Läzarutam kawaritsirqan
Jesusqa Marïata waqëkaqta rikëkurmi kikimpis waqar qallëkurqan. Peru tsëpitaqa llapankunam alläpa kushikuyarqan.
