Увод башо 12 дело
О Исус проповединела сине башо е Девлескоро Царство. Ов сикавела сине те молинен пе те славинел пе е Девлескоро свето анав, те авел лескоро Царство хем те овел лескири волја ки Пхув. Ако сиан родители, објаснин е чхавеске со значинела акаја молитва аменге. Иако е Исусе сине ле искушенија таро Сатана, ов ачхило верно е Јеховаске. Ов биринѓа апостолија, хем ола добинѓе посебна задаче сар членија ко е Девлескоро Царство. О Исус мангела сине о мануша те служинен е Девлеске ко исправно начин. Ов сасљарела сине е манушен, дела лен сине хајбаске, хем чак несавен воскреснинѓа. Акалеа о Исус сикавѓа со ка керел е Девлескоро Царство е манушенге.
КО АКАВА ДЕЛО
75 ЛЕКЦИЈА
О Бенг искушинѓа е Исусе
О Бенг трин пути искушинѓа е Исусе. Кола сине акала трин искушенија? Сар одговоринѓа о Исус?
76 ЛЕКЦИЈА
О Исус палдинѓа е трговцон таро храми
Соске о Исус палдинѓа е животнен таро храми хем превртинѓа о асталија адаленгере со менинена сине паре?
77 ЛЕКЦИЈА
И ромни ко бунари
И Самарјанка ко бунари е Јаковескоро изненадинѓа пе со о Исус керѓа лаја лафи. Соске? Со сине адава со вакерѓа лаке о Исус а џи тегани на вакерѓа ле никаске?
78 ЛЕКЦИЈА
О Исус проповединела сине башо Царство
О Исус викинѓа несаве таро пле ученикија наместо те астарен мачхе, те астарен манушен. Покасно 70 таро лескере ученикија бичхавѓа лен те џан те проповединен о шукар хабери.
79 ЛЕКЦИЈА
О Исус керела сине бут чудија
Било коте те џал сине о Исус, о насвале мануша авена сине пали лесте те сасљарел лен. Чак воскреснинѓа јекхе тикне чхаја.
84 ЛЕКЦИЈА
О Исус пхирѓа упро пани
Шај ли те замислине туке сар осетинѓе пе о апостолија кеда дикхле акава чудо?
86 ЛЕКЦИЈА
О Исус воскреснинѓа е Лазаре
О Исус кеда дикхља кај ровела и Марија, ов да почминѓа те ровел. Ама, ленгири жал бут сигате ули радост.