О Иисусо сытярэлас лэ манушэн пала царство, саво по нэбо. Во сытярэлас, кай вонэ тэ мангэнпэ, кай тэ авэл свынто лэ Дэвлэско алав, кай тэ авэл лэско царство и кай лэстири воля тэ авэл пэ ԥув. Кала ту адинос кадэя книжка лэ бэятоса, росԥэн лэсти, со сыкавэн и алава анда кадэя молитва. О Иисусо на парашэля тэ кандэл лэ Дэвлэс и тоди, кала о Сатана цырдэлас лэ Иисусос тэ терэл кода, со найдраго важ о Дэл. О Иисусо витидя лэ апостолонэн, савэнди динэ особо дила андо царство. Шон сама, сар о Иисусо любияс и чачуни вера. Лэсти чалёлас тэ поможый аврэнди, важ кода во исцелияс лэ насвалэн, праварэлас лэ боқалэн, и даже рияс каринг и жизня кодэлэн, ко муля. Кала о Иисусо терэлас кадэла чудеса, во сыкадя, со англэ стерэла важ и мануша лэ Дэвэлэско царство.