Jezui u mësoi njerëzve për Mbretërinë e qiejve. Gjithashtu u mësoi të luteshin për shenjtërimin e emrit të Perëndisë, për ardhjen e Mbretërisë së Tij dhe për plotësimin e vullnetit të Tij në tokë. Nëse je prind, shpjegoji fëmijës çfarë do të thotë për ne kjo lutje. Jezui nuk lejoi që Satanai t’ia thyente besnikërinë. Jezui zgjodhi apostujt dhe ata u bënë pjesëtarët e parë të Mbretërisë që do të kishin një rol shumë të rëndësishëm në të. Nxirr në pah zellin e Jezuit për adhurimin e vërtetë. Ai shëroi të sëmurët, ushqeu të uriturit, madje ktheu të vdekurit sërish në jetë, ngaqë donte t’i ndihmonte të tjerët. Nëpërmjet gjithë këtyre mrekullive ai tregoi çfarë do të bënte Mbretëria për njerëzimin.