Biginwortu fu pisi 12
Yesus leri sma fu a Kownukondre fu hemel. A leri den tu fu begi taki Gado nen kon santa, taki en Kownukondre kon èn taki en wani pasa na grontapu. Efu yu abi pikin, dan leri den san a begi disi wani taki gi wi. Yesus no meki Satan kori en fu trangayesi Yehovah. Yesus teki den apostel fu en. Den tron den fosi sma di ben o tiri na ini a Kownukondre èn den ben o kisi prenspari frantwortu. Wi o si taki Yesus ben de fayafaya gi a tru anbegi. Fu di Yesus ben wani yepi tra sma, meki a dresi den sikiwan, a gi nyanyan na den sma di ben abi angri èn a gi sma wan opobaka srefi. Ala den wondru disi e sori san a Kownukondre o du gi libisma na ini a ten di e kon.
NA INI A PISI DISI
LES 75
Didibri wani kori Yesus
Didibri pruberi dri leisi fu kori Yesus. Sortu dri sani a du fu kori en? San Yesus du?
LES 76
Yesus e krin a tempel
Fu san ede Yesus e yagi den meti komoto na ini a tempel èn fu san ede a e drai den tafra tapu fu den sma di e wissel moni?
LES 77
Na uma na a peti
Wan Samaria uma e skreki te Yesus e taki nanga en. Fu san ede? Yesus taigi en wan sani di a no fruteri nowan sma ete. San na dati?
LES 78
Yesus e preiki a Kownukondre boskopu
Yesus e kari wan tu disipel fu en fu ’tron fisiman di e fanga libisma’. Bakaten a e leri 70 fu den bakaman fu en fa fu preiki a bun nyunsu.
LES 79
Yesus e du furu wondru
Ala presi pe Yesus ben e go sikisma ben e kon suku yepi na en èn a ben e dresi den. Srefi wan pikin meisje di ben dede, a e gi libi baka.
LES 81
A prenspari lezing di Yesus hori na tapu wan bergi
Yesus e leri wan grupu sma di kon makandra, prenspari tori.
LES 86
Yesus e gi Lasarus wan opobaka
Di Yesus si fa Maria e krei, a bigin krei tu. Ma syatu baka dati den ben breiti.