Kenyeletso ya Karolo ya 12
Jesu o ne a ruta batho ka Mmuso wa Modimo. A boela a ba ruta hore ba rapelle hore lebitso la Modimo le halaletswe, Mmuso wa hae o tle le hore thato ya hae e etsahale lefatsheng. Haeba o motswadi, hlalosetsa ngwana seo thapelo ena e se bolelang ho rona. Jesu ha aa ka a dumella hore Satane a mo sitise ho tshepahala. Jesu o ile a qala ka ho kgetha baapostola ba hae hore e be marena Mmusong wa Modimo. Hokomela kamoo Jesu a neng a tjhesehella borapedi ba nnete kateng. Jesu o ne a fodisa batho ba kulang, a fepa ba lapileng a bile a tsosa bafu hobane a rata ho thusa batho. Dintho tsena di ne di bontsha seo Mmuso wa Modimo o tla se etsetsa batho nakong e tlang.
KAROLONG ENA
THUTO YA 75
Diabolose o Leka Jesu
Diabolose o ile a leka Jesu ka makgetlo a mararo. O ile a mo leka jwang? Jesu o ile a etsang?
THUTO YA 76
Jesu o Hlwekisa Tempele
Ke hobaneng ha Jesu a tebela diphoofolo tempeleng le ho phetola ditafole tsa batho ba rekisang?
THUTO YA 77
Jesu o Bua le Mosadi Sedibeng
Ke hobaneng ha mosadi wa Mosamaria ya neng a le sedibeng sa Jakobo a ile a makala ha Jesu a bua le yena? Jesu o ile a mo bolellang eo a sa kang a e bolella batho ba bang?
THUTO YA 78
Jesu o Ruta ka Mmuso wa Modimo
Jesu o mema balatedi ba bang ba hae hore e be ‘batshwasi ba batho.’ Ha morao, o ruta balatedi ba hae ba 70 ho bolela ditaba tse molemo.
THUTO YA 79
Jesu o Etsa Mehlolo e Mengata
Hohle moo a yang, batho ba kulang ba tla ho yena ho kopa thuso mme o a ba fodisa. O ile a ba a tsosa ngwanana bafung.
THUTO YA 82
Jesu o Ruta Barutuwa ba Hae ho Rapela
Ke dintho dife tseo Jesu a reng balatedi ba hae ba nne ba di kope?
THUTO YA 84
Jesu o Tsamaya Hodima Metsi
O nahana hore baapostola ba ne ba ikutlwa jwang ha ba bona mohlolo oo?
THUTO YA 85
Jesu o Fodisa Motho ka Sabatha
Ke hobaneng ha e se batho bohle ba thabileng ka seo a se etsang?
THUTO YA 86
Jesu o Tsosa Lazaro
Ha Jesu a bona Maria a lla, le yena o a lla. Empa ba ile ba boela ba thaba.