Introdusaun ba Parte 12
Jesus hanorin ema kona-ba Maromak nia Ukun neʼebé iha lalehan. Nia mós hanorin oinsá atu halo orasaun hodi husu Maromak nia naran sai santu, ninia Ukun toʼo mai rai, no ninia hakarak sai loos iha rai. Se Ita iha oan, esplika ba sira oinsá orasaun neʼe kona ita-nia moris. Jesus nafatin laran-metin maski Satanás koko nia. Jesus hili ninia apóstolu sira neʼebé sei sai parte ba Maromak nia Ukun. Jesus laran-manas atu halaʼo adorasaun neʼebé loos. Nia hakarak ajuda ema, tan neʼe nia kura ema, fó han ba ema neʼebé hamlaha, no fó moris-hiʼas ba ema mate. Milagre sira-neʼe hatudu buat neʼebé Maromak nia Ukun sei halo ba ema.
IHA PARTE NE’E
ISTÓRIA 75
Diabu koko Jesus
Diabu koko Jesus dala tolu. Iha dalan tolu saida mak Diabu koko Jesus? Oinsá Jesus hatán ba Diabu?
ISTÓRIA 76
Jesus duni sai ema neʼebé fila-liman iha templu
Tanbasá Jesus uza xikote atu duni sai animál husi templu no baku fila meza sira?
ISTÓRIA 77
Feto ida iha bee-posu
Feto Samaria ida hakfodak tanba Jesus koʼalia ho nia. Tanbasá? Jesus hatete saida ba nia neʼebé Jesus rasik seidauk fó-hatene ba ema seluk?
ISTÓRIA 78
Jesus haklaken Maromak nia Ukun
Jesus konvida mane balu atu sai ‘peskador ba ema’. Depois neʼe, nia hanorin dixípulu naʼin-70 atu haklaken liafuan diʼak.
ISTÓRIA 79
Jesus halo milagre oioin
Iha fatin hotu neʼebé Jesus bá, ema moras sira mai atu husu ajuda, no Jesus kura sira hotu. Nia mós fó moris-hiʼas ba labarik-feto ida.
ISTÓRIA 80
Jesus hili apóstolu naʼin-12
Jesus haruka sira atu halo saida? Ó hanoin-hetan sira-nia naran ka lae?
ISTÓRIA 82
Jesus hanorin kona-ba orasaun
Jesus hanorin ninia dixípulu sira atu kontinua husu kona-ba saida deʼit?
ISTÓRIA 83
Jesus fó han ema rihun ba rihun
Milagre neʼe hatudu saida mai ita kona-ba Jesus no Jeová?
ISTÓRIA 84
Jesus laʼo iha bee leten
Ó bele imajina apóstolu sira-nia sentimentu kuandu haree milagre neʼe ka lae?
ISTÓRIA 86
Jesus halo Lázaro moris fali
Bainhira Jesus haree Maria tanis, nia mós komesa tanis. Maibé sira-nia triste ikusmai sai fali kontente.
