Nampianatse o ndatio miomba ty Fanjakà i lagnitsey ty Jesosy. Nampianare’e hivavake ka iareo mba hagnamasinagne ty tahinan’Andrianagnahare, mba hiavia i Fanjakà’ey sady mba hanoagne an-tane etoy ty zoton’arofo’e. Hazavao amy ty ana’o fa misy dika’e ho antikagne o vavake iohoe. Tsy nenga i Jesosy hampivalike aze ty Satana. Nifily i apositoli’e rey reke, le iareo ty nanjare ndaty voaloha’e hiara-manjaka ama’e. Ampeo hahatrea ty hafanam-po i Jesosy amy ty fivavahagne maregne ty ana’o. Tea nagnampe ndaty ty Jesosy, le nagnasitragne naho namahagne ndaty sady namelogne ty mate. Teà’e hatoro, fa izay ty hatao i Fanjakagney amy ty hoavy.