Makani Aantalisyo Aacibeela 12
Jesu wakayiisya bantu kujatikizya Bwami bwakujulu. Alimwi wakabayiisya kupailila zina lya Leza kuti lisalazyigwe, kuti Bwami buboole, alimwi akuti kuyanda kwakwe kucitwe aanyika. Ikuti kamuli bazyali, amumupandulwide mwanaanu ncowaamba mupailo ooyu kulindiswe. Jesu tanaakamuzumizya Saatani kuti amutyompye akumupa kuleka kusyomeka. Jesu wakasala baapostolo bakwe, alimwi mbabakali bakusaanguna kuba mucibeela ca Bwami. Amubone Jesu mbwaakali musungu kubukombi bwakasimpe. Akaambo kakuti wakali kuyanda kugwasya bamwi, Jesu wakaponya baciswa, wakasanina bantu ibakalaanzala, alimwi akubusya bafwide. Kwiinda mumaleele woonse aaya, wakatondezya Bwami ncobuyoobacitila bantu.
MUCIBEELA EECI
Jesu Waba Mesiya
Ino Johane upandulula nzi ciindi naamba kuti Jesu Mwanaambelele wa Leza?
Diabolosi Wasunka Jesu
Diabolosi wasunka Jesu ziindi zyotatwe. Ino masunko nzi otatwe aayo? Ino Jesu wacita buti kujatikizya masunko aayo?
Jesu Walisalazya Tempele
Nkaambo nzi Jesu ncaabingila banyama kuzwa mutempele alimwi akupindamuna matebulu aabasikucinca mali?
Mukaintu Amugoti
Mukaintu muna Samariya wakagambwa kuti Jesu wakabandika anguwe. Nkaambo nzi? Ino ncinzi ncaakamwaambila calo ncaatakalina buzuba waambila muntu?
Jesu Ukambauka Mulumbe wa Bwami
Jesu waambila basikwiiya bakwe bamwi kuti babe “bazubi babantu.” Mukuya kwaciindi, wayiisya basikumutobela ibali 70 kuti bakambauke makani mabotu.
Jesu Wacita Maleele Manji
Kufwumbwa nkwaaunka Jesu, bantu baciswa baboola kutegwa abagwasye, mpoonya wabaponya boonse. Mane buya wamubusya mwana musimbi iwafwide.
Jesu Wasala Baapostolo Ibali 12
Ino wabasalila nzi? Sena ulaayeeya mazina aabo?
Mulumbe Waacilundu
Jesu wayiisya bantu babungene ziiyo ziyandika kapati.
Jesu Wabayiisya Basikwiiya Bakwe Mbobeelede kupaila
Nzintu nzi Jesu nzyaambila basikwiiya bakwe kuti bazumanane kulomba?
Jesu Wasanina Bantu Banji
Ino maleele aaya atuyiisya nzi kujatikizya Jesu alimwi a Jehova?
Jesu Weenda Atala aa Maanzi
Sena inga weezezya mbobalimvwa baapostolo ciindi nobabona maleele aaya?
Jesu Waponya Bantu Mubuzuba bwa Sabata
Nkaambo nzi bantu bamwi ncobatakkomana kujatikizya ncacita Jesu?
Jesu Wamubusya Lazaro
Ciindi Jesu naabona Mariya kalila, awalo watalika kulila. Pele kulila kwabo kwacinca kuba lukkomano.