Ja Jesús sjeʼayi ja ixuk winik sbʼaja Gobyerno bʼa satkʼinal. Cha sjeʼa a-skʼane bʼa orasyon bʼa oj axuk sakbʼuk ja sbʼiʼil ja Dyos, ajakuk ja sGobyerno sok akʼulaxuk ja jas wa skʼana ja bʼa luʼumi. Ta aya wuntikil, koltaye bʼa oj snaʼe jas wa stojolan bʼa keʼntik ja orasyon jaw. Ja Jesús mi yaʼakan ja Satanás oj sjom ja jastal toj ayi, ja yeʼn sjeʼa jelni xkʼankʼuniyuj yaʼteltajel ja Dyosi. Stsaʼa ja snebʼumaniki, bʼa yeʼn kʼotye ja skujlayubʼil ja bʼa sGobyerno ja Dyosi. Sok yuja skʼana skoltajel ja tuki, ja Jesús ya tojbʼuk ja matik maloʼayi, yayi swaʼel ja matik ayiʼoj waʼin sok ya sakʼwuk jujuntik ixuk winik. Soka milagroʼik it, sjeʼa jas oj skʼuluk ja Gobyerno sbʼaja ixuk winiki.