Introdaksen Bilong Seksen 12
Jisas i skulim ol manmeri long Kingdom bilong heven. Na tu, em i skulim ol long beten long nem bilong God i mas stap holi, Kingdom bilong em i mas i kam, na laik bilong em i mas kamap long graun. Sapos yu wanpela papa o mama, eksplenim long pikinini hau dispela beten i bikpela samting long yumi. Jisas i no larim Satan i pulim em long lusim pasin bilong em long stap gut long God. Jisas i makim ol aposel bilong em, na ol i kamap namba 1 lain bilong Kingdom. Tingim pasin bilong Jisas long givim bel long lotu i tru. Jisas i laik helpim ol narapela, olsem na em i pinisim sik, givim kaikai long ol man i hangre, na tu, kirapim bek ol man i dai pinis. Long rot bilong ol dispela mirakel, em i kamapim samting Kingdom bai mekim long ol man.
LONG DISPELA HAP
LESEN 74
Jisas i Kamap Mesaia
Wanem mining bilong tok bilong Jon olsem Jisas em Pikinini Sipsip Bilong God?
LESEN 75
Devil i Traim Jisas
Tripela taim Devil i traim Jisas. Wanem dispela 3-pela traim bilong em? Jisas i bekim tok olsem wanem?
LESEN 76
Jisas i Klinim Tempel
Wai na Jisas i rausim ol animal long tempel na kapsaitim tebol bilong ol man i senisim mani?
LESEN 77
Meri Long Hulwara
Meri Samaria i kirap nogut olsem Jisas i toktok long em. Wai? Jisas i tokim em long wanem samting we em i no bin tokim ol narapela?
LESEN 78
Jisas i Autim Tok Bilong Kingdom
Jisas i singautim sampela disaipel long kamap “ol man bilong kisim ol manmeri.” Bihain, em i trenim 70 disaipel long autim gutnius.
LESEN 79
Jisas i Wokim Planti Mirakel
Long olgeta hap em i go, ol sikman i kam bilong kisim helpim, na em i oraitim ol. Na tu, em i kirapim bek wanpela liklik gel i dai pinis.
LESEN 82
Jisas i Skulim Ol Disaipel Long Beten
Jisas i tokim ol disaipel bilong em long wok yet long askim long wanem ol samting?
LESEN 83
Jisas i Givim Kaikai Long Planti Tausen
Dispela mirakel i kamapim klia wanem samting long Jisas na Jehova?
LESEN 84
Jisas i Wokabaut Antap Long Wara
Yu inap piksaim hau ol aposel i pilim taim ol i lukim dispela mirakel?
LESEN 85
Jisas i Oraitim Man Long Sabat
Bilong wanem olgeta man i no amamas long samting em i mekim?
LESEN 86
Jisas i Kirapim Bek Lasarus
Taim Jisas i lukim Maria i krai, em tu i stat long krai. Aiwara bilong ol i pundaun, tasol bihain ol i amamas.