Enyanjura y’Ekicweka 12
Yesu Kristo akegesa abantu ha Bukama obw’omu iguru. Kandi akabegesa n’okusaba ngu ibara lya Ruhanga lyezebwe, Obukama bwe bwije, hamu n’eby’agonza bikorwe omu nsi. Obworaaba oli muzaire, soborra omwana wawe amakuru g’esaara enu. Yesu ataikirize Setani kumuletera kucwa ebiragiro bya Ruhanga. Yesu akakoma abakwenda be kandi bakaheebwa obujunanizibwa obw’embaganiza omu Bukama bwa Ruhanga. Obworaaba nosoma, wetegereze omulingo Yesu yayekambiire okuramya okw’amananu. Habw’okugonza kukonyera abantu, Yesu akakiza abarwaire, yaliisa abakaba baine enjara, kandi akahumbuura n’abafu. Eby’amahano byona Yesu ebi yakozere bikooleka ebintu Obukama bwa Ruhanga burakorra abantu.
OMU KICWEKA KINU
ISOMO 74
Yesu Afooka Masiya
Yohana akaba namanyisa ki obuyayesere Yesu Omwana ogw’Entaama ogwa Ruhanga?
ISOMO 75
Setani Ayohya Yesu
Setani ayohya Yesu emirundi esatu. Bintu ki ebisatu Setani yakozeseze kwohya Yesu? Yesu akagarukamu ata Setani?
ISOMO 76
Yesu Asemeza Yekaru
Habwaki Yesu yakozeseze omuguha nka kibboko kubiinga ebisoro omu yekaru?
ISOMO 77
Omukazi Abaza na Yesu ha Iziba
Omukazi Omusamaliya akahunirra habw’okuba Yesu akabaza nauwe. Habwaki? Kiki Yesu ekiyamugambiire ekyakaba atakagambiraga omuntu ondi wena?
ISOMO 78
Yesu Atebeza Amakuru ag’Obukama
Akeeta bamu ha begeswa be kuba ‘basohi b’abantu.’ Hanyuma, akatendeka abegeswa 70 kusobora kutebeza amakuru amarungi.
ISOMO 79
Yesu Akora eby’Amahano Bingi
Hoona nambere yagendaga abarwaire baijaga nambere ali nibagonza abakize, kandi boona yabakizaaga. Akahumbuura n’omwisiki owakaba afiire.
ISOMO 82
Yesu Ayegesa Abegeswa Be Kusaba
Yesu akagambira abegeswa be kwikara nibasaba ebintu bya mulingo ki?
ISOMO 84
Yesu Arubatira ha Maizi
Nosobora kutekerezaho omulingo abakwenda bayehuliiremu hanyuma y’ihunga kuculeera?
ISOMO 86
Yesu Ahumbuura Lazaro
Yesu obuyaboine Malyamu ali mukurra nauwe akatandika kurra. Baitu okurra kukarugamu okusemererwa.