Иисус дээрде Чагырганың дугайында өөредип турган. Бурганның ады алдаржып, ооң Чагыргазы чедип кээп база ооң күзел-соруу черге бүдер кылдыр мөргүүрүн ол өөредип чораан. Ажы-төлүңерге үлегерлиг мөргүлдүң утказын тайылбырлап бериңер. Эрлик Иисусту күткүүрге-даа, ол Бурганга шынчы арткан. Иисустуң шилип алган элчиннери Бурганның Чагыргазының кежигүннери апарган. Иисустуң алыс шын чүдүлгеге кайы хире ынак турганынче төлүңерниң кичээнгейин салыңар. Иисус кижилерге ынак болгаш, оларны чемгерип, экиртип, безин диргизип чораан. Ол хуулгаазыннарны кылып тургаш, келир үеде Бурганның Чагыргазы кижилерге чүнү кылырын көргүскен.