Te Jesús jaʼ la scholbey skʼoplal te Wentainel ta chʼulchane. Jaʼnix jich la yakʼ ta nopel ta chʼultesbeyel sbiil te Dios te kʼalal ya yichʼ kʼoponel te Diose, te akʼa taluk te Wentainel yuʼune sok te akʼa yichʼ pasel te skʼanojel yoʼtan ta Balumilale. Teme ay awal anichʼnab koltaya te yakuk xkʼot ta yoʼtanik te bin-utʼil ya xtuun kuʼuntik ta jkuxlejaltik te skʼoponel Dios-abi. Te Jesús ma la yakʼ ta chebajtesel yoʼtan yuʼun te Satanás, jaʼ la yakʼ ta ilel te yuʼun-nix ay ta yoʼtan-a te smelelil yichʼel ta mukʼ te Diose. La stsatiklan te jpuk-kʼopetik yuʼune te jaʼ yiptajib ya xkʼotik yuʼun te Wentainele. Sok la skoltay te yantike jaʼ yuʼun la slekubtes jchameletik, la yakʼbey sweʼel te machʼatik ayik ta wiʼnal sok la schaʼkuxajtes chaʼoxtul  ants winiketik. Spisil te milagroetik-abi la yakʼ ta ilel te bin ya spas te Wentainel ta stojol te ants winiketike.