Yesu wa longisa omanu catiamẽla Kusoma wo kilu. Eye wa va longisavo oku likutilila oco onduko ya Suku yi sumbiwe, oco Usoma waye wiye kuenda oco ocipango caye ci lingiwe palo posi. Nda ove unjali, lombolola komõlove eci ohutililo yaco yi lomboloka kokuetu. Yesu ka ecelele okuti Satana o nyõla epokolo liaye. Eye wa nõla ovapostolo vaye kuenje va linga omanu vatete Vusoma. Limbuka ombili Yesu a kuatela efendelo liocili. Omo okuti Yesu wa yonguile oku kuatisa omanu vakuavo, wa sakula olombei, wa eca okulia komanu vana va kala lonjala kuenda wa pindula ava va fa. Omo liovikomo viaco, eye wa lekisa eci Usoma u ka lingila omanu.