Исо одамларга Осмон Шоҳлиги ҳақида ўргатган. Шунингдек, у Худонинг исми муқаддас бўлиши, Шоҳлиги келиши ва иродаси ер юзида ҳам амалга ошиши ҳақида ибодат қилишни ўргатган. Ота-она бўлсангиз, бу ибодатнинг маъносини ва у ҳаётимизда муҳим аҳамиятга эга эканини болангизга тушунтиринг. Исо Шайтон унинг садоқатини синдиришига йўл қўймаган. Исо ҳаворийларни танлаб, Шоҳликнинг илк аъзолари сифатида уларга муҳим топшириқлар берган. Исонинг ҳақ топинишга бўлган ғайратига ҳам эътибор қаратинг. У одамларга ёрдам беришни истагани учун касалларни соғайтирган, очларни тўйдирган ва ҳатто ўликларни тирилтирган. Исо бу  барча мўъжизаларни яратиб, Худонинг Шоҳлиги инсоният учун нималар қилишини кўрсатган.