Yesu o funza vhathu nga ha Muvhuso wa ṱaḓulu. O dovha a vha funza uri vha rabelele uri dzina ḽa Mudzimu ḽi khethwe, uri Muvhuso wawe u ḓe na uri zwine a funa zwi itwe kha ḽifhasi. Arali ni mubebi, ṱalutshedzani ṅwana waṋu zwine yeneyi thabelo ya amba zwone. Yesu ho ngo tendela Sathane a tshi ita uri a songo tsha fulufhedzea. Yesu o khetha vhaapostola vhawe nahone vha vha miraḓo ya u thoma ya wonoyo Muvhuso. Ṱhogomelani nḓila ye Yesu a vha a tshi fhisetshela ngayo vhurabeli ha ngoho. Nga nṱhani ha uri Yesu o vha a tshi ṱoḓa u thusa vhathu, o fhodza vhalwadze, a kanzwa vha re na nḓala, a ita na u vusa vhafu. Nga honoho vhuṱolo, o sumbedza zwine Muvhuso wa ḓo zwi itela vhathu.