Maloŵe Gandanda ga Mbali 12
Yesu ŵajiganyisye ŵandu yakwamba Ucimwene wakwinani. Ŵajiganyisyesoni kuti apopeleje kuti lina lya Mlungu liswejesyedwe, Ucimwene wakwe uyice soni lisosa lyakwe litendekwe pacilambo capasi. Naga ali nangolo, amsalile mwanace jwawo yalikugopolela lipopeloli kwetuwe. Yesu nganakunda kuti Satana jumlepelekasye kuŵa jwakulupicika. Yesu ŵasagwile ŵandumetume ŵakwe soni jemanjaji ŵaliji cilimbilimbi ca Ucimwene wa Mlungu. Alolesoni mtawu waŵakwete Yesu pakulambila kusyesyene. Ligongo lyakuti jwalakwe jwasakaga kwakamucisya ŵane, Yesu ŵaposisye ŵakulwala, ŵandu ŵasala ŵapele yakulya soni ŵajimwisye ŵawe. Yakusimonjesya yaŵatesileyi, yalosyaga yawucitenda Ucimwene wa Mlungu kwa ŵandu.
MU MBALI AJI
Yesu Akuŵa Mesiya
Ana Yohane ŵagopolelaga cici paŵatite kuti Yesu ali Mwanace jwa Ngondolo jwa Mlungu?
Satana Akumlinga Yesu
Satana akumlinga Yesu maulendo gatatu. Ana Satana ŵamlinjile Yesu m’matala gatatu gapi? Ana Yesu jwajanjile catuli?
Yesu Akuswejesya M’nyumba ja Mlungu
Ana ligongo cici Yesu ŵayitopwele yinyama m’nyumba ja Mlungu soni kuyingalamula matebulo ga ŵakucenga mbiya?
Jwamkongwe Pacisima
Ana ligongo cici jwamkongwe jwacisamaliya akusimonga kuti Yesu akuŵecetana najo? Ana Yesu ŵamsalile cici jwamkongwejo cakuti nganamsalileje mundu jwalijose?
Yesu Akulalicila Utenga wa Ucimwene
Yesu jwaŵilasile acalume ŵane ŵaŵaŵele ŵakulijiganya ŵakwe kuti aŵe “ŵakutanjisya ŵandu.” Kaneko jwalakwe ŵajiganyisye ŵane mwa ŵakulijiganya ŵakwe ŵakwana 70 mwampaka alalicile utenga wambone
Yesu Akutenda Yakusimonjesya Yejinji
Kulikose kuŵajawulaga Yesu, ŵandu ŵakulwala ŵayikaga kwa jwalakwe pakusaka kuti apate cikamucisyo, soni jwalakwe ŵaposyaga jemanjajo. Soni jwalakwe jwamjimwisye mwanace jwamkongwe ku ŵawe
Yesu Akusagula Ŵandumetume 12
Ana ligongo cici Yesu ŵasagwile jemanjaji? Ana mkukumbucila mena gawo?
Kulalicila kwa Petumbi
Yesu akwiganya majiganyo gakusosekwa mnope kwa ŵandu ŵasongene.
Yesu Akwajiganya Ŵakulijiganya Ŵakwe Kapopele
Ana Yesu akwasalila ŵakulijiganya ŵakwe kuti ‘ajendelecele kuŵenda’ yindu yapi?
Yesu Akulisya Ŵandu Ŵajinji
Ana cakusimonjesya celeci cikutujiganya yatuli yakwamba Yesu soni Yehofa?
Yesu Akwenda Pamesi
Mgambe ganisya muŵapikanile ŵandumetume ŵala paŵaciweni cakusimonjesya celeci?
Yesu Akuposya Mundu Palisiku lya Sabato
Ligongo cici ŵandu wosope ngakusangalala ni yakutenda Yesu?
Yesu Akumjimusya Lasalo ku Ŵawe
Yesu ali am’weni Maliya ali mkulila, jwalakwe jwatanditesoni kulila, nambo mwacangakaŵa jemanjaji ŵatandite kusangalala.
