Guníʼ Jesús de Reinu ni nuu guibáʼ. Laaca bisiidibe guinábanu lu oración guisaca lá Dios, gueeda Reinu stiʼ ne gaca ni nabe ndaaniʼ Guidxilayú riʼ. Pa nápaluʼ xiiñiluʼ gucané laacabe guiénecabe nabé risaca oración riʼ para laanu. Qué nudii Jesús lugar nuxheleʼ Binidxabaʼ laa de Jiobá, sínuque gucaláʼdxibe gaca adorar Jiobá jneza. Gulibe ca apóstol stibe, para guni mandarné laabe lu Reinu stibe. Ne cumu guyuuláʼdxibe gacanebe binni la? bisiándabe cani huará, bidiibe ni gó binni ne dede bisibánibe gueʼtuʼ. Né guiráʼ milagru ni bíʼnibe riʼ, bisihuínnibe ni chiguni Reinu ca pur binni Guidxilayú.