Amashiwi ya Kutendekelako mu Cipande 13
Yesu aishile pano isonde pa kuti afwile abantu ababembu. Nangu ca kuti alifwile, alicimfishe icalo. Yehova ali uwa cishinka ku Mwana wakwe, kabili alimubushishe ilyo afwile. Ukufika nelyo Yesu afwile, alebombela abantu, kabili alebelela uluse abalelufyanya. Ilyo Yesu abuushiwe, alimoneke ku basambi bakwe. Alibasambilishe ifya kubomba umulimo abapeele. Nga muli bafyashi, afweni umwana wenu ukwishiba ukuti na ifwe tulabombako uyu mulimo Yesu apeele abatumwa bakwe.
MULI ICI CIPANDE
Umulalilo wa kwa Yesu
Yesu alyebele abatumwa bakwe ifintu ifyacindama ilyo balelila pamo umulalilo.
Yesu Bamwikata
Yuda Iskariote aletungulula ibumba lya bantu abakwete amapanga ne nkonto baleya kwi bala Getsemane ku kwikata Yesu.
Petro Akaana Yesu
Cinshi cacitike mu lubansa lwa ng’anda ya kwa Kayafa? Kabili cinshi cacitikile Yesu ilyo ali mu ng’anda?
Yesu Afwa pa Golgota
Mulandu nshi Pilato aebele abantu ukuti bepaye Yesu?
Yesu Abuushiwa
Fintu nshi ifya kupapusha ifyacitike pa numa Yesu bamwipaya?
Yesu Amoneka ku Balondo be Sabi
Cinshi Yesu acitile pa kuti bamumone?
Yesu Abwelelamo ku Muulu
Ilyo ashilaya ku muulu, aebele abasambi bakwe ifyebo ifyacindama nga nshi.