Yesus ryama ḇe supswan ine fa imarwarek snonkaku sya sasar sena. Marmar ḇyedine fyasnai dunya jadi fa ikafyo i ḇa, snaro isouser pdef ḇe Yahwe I. Yahwe I kako fyasnai souser ḇe Rumkun Ḇyedi kuker ḇyawes kaḇeri ro marmarya. Isof ro pupes kankenem ḇyeja, Yesus fyasnai sne ḇerun fafisu duffarmyan snonkaku ḇesesya ma ḇyuk maf ḇe si fafisu sifrur sasar. Fyor Yahwe ḇyawes kaḇer i, isrow kuker manfamyan ḇyesi. Yesus fyarkor si kuker nyan ḇepyum rariso sifrur fararur ḇefandun kaku iwan fa sifrur ya. Nwa romawa no ido, wakofenḇair ḇe i snar kona fararur ḇemnis radirya ro kirine kako.