Yesu gaw n hkum tsup ai masha ni yubak kaw nna lawt lu hkra shi a asak hpe sak jaw na matu, mungkan ga de yu wa ai. Si mat wa ai raitim, mungkan ga hpe Yesu awng dang wa ai. Yehowa gaw Yesu hpe asak jahkrung ya ai hku nna sadi dung ai lam madun wa ai. Yesu gaw si ai aten du hkra shagrit shanem let kaga ni hpe galaw daw ya ai. Shanhte mara galaw ai shaloi mung, mara raw ya ai. Hkrung rawt ngut ai hpang, sape ni hpe hkum shadan dan ai. Shanhte hpe jaw da ai lit ni hpe galaw lu hkra mung, sharin ya ai. Lama na nang gaw kanu kawa rai yang, sape ni hpe Yesu jaw wa ai dai amu hpe sha, anhte mung galaw nga ai hpe ma ni chye na hkra karum ya u.