ယ့ၣ်ၡူး​ဟဲ​လီၤ​လၢ​ဟီၣ်ခိၣ်​ချၢ​ဒ်သိး က​ဟ့ၣ်လီၤ​အသး​သမူ​လၢ ပှၤ​ဟီၣ်ခိၣ်​ဖိ​အဂီၢ်​လီၤ. ယ့ၣ်ၡူး​ဘၣ်​သံဝဲ​သနာ်က့ အဝဲ​မၤနၢၤ​ဝဲ​ဟီၣ်ခိၣ်​လီၤ. ယဟိဝၤ​ယွၤ​တီ​ဒီး​အ​ဖိခွါ​အဃိ အဝဲ​မၤ​သမူထီၣ်​က့ၤ​အီၤ​လၢ​တၢ်သံ​လီၤ. ယ့ၣ်ၡူး​မၤစၢၤ​ပှၤဂၤ, ပျၢ်​ကွံာ်​ပှၤဂၤ​အ​တၢ်ကမၣ်​ဖဲ အဝဲသ့ၣ်​မၤ​ကမၣ်​တၢ်​အခါ ဒီး​အဝဲ​ဆီၣ်လီၤ​အသး တုၤ​အ​သံ​တစု​လီၤ. ဖဲ​ယ့ၣ်ၡူး​ဂဲၤဆၢထၢၣ်​သမူထီၣ်​က့ၤ​ဝံၤ​အလီၢ်​ခံ အဝဲ​လီၣ်ဖျါ​ထီၣ်​အသး​လၢ အပျဲၢ်​အဘီၣ်​တဖၣ်​အမဲာ်​ညါ​လီၤ. ယ့ၣ်ၡူး​ဟ့ၣ်လီၤ​ဝဲ​တၢ်မၤ​လၢ အရ့ဒိၣ်​တခါ​လၢ​အပျဲၢ်​အဘီၣ်​တဖၣ် က​ဘၣ်​မၤဝဲန့ၣ်​လီၤ. ဒီး​အပျဲၢ်​အဘီၣ်​တဖၣ် က​ဘၣ်​စံၣ်တဲၤ​တဲလီၤ​တၢ်​ဒ်လဲၣ်​န့ၣ် ယ့ၣ်ၡူး​သိၣ်လိ​အဝဲသ့ၣ်​လီၤ. န​မ့မ့ၢ်​မိၢ်ပၢ်​န့ၣ် မၤစၢၤ​န​ဖိ​ဒ်သိး က​သ့ၣ်ညါ​ဝဲ​လၢ​မုၢ်မဆါ​တနံၤ​အံၤ ပ​ပၣ်ဃုာ်​လၢ​တၢ်​စံၣ်တဲၤ​တဲလီၤ​တၢ်မၤ​အ​ပူၤ သ့ဝဲ​လီၤ.