Yezu uvua mulue pa buloba bua kufila muoyo wende bua bantu bapange bupuangane. Nansha muvuaye mufue, uvua mutshimune ba pa buloba. Yehowa uvua ne lulamatu kudi Muanende, kumujulaye ku lufu. Yezu uvua ukuatshila bakuabu mudimu ne budipuekeshi buonso too ne ku lufu luende ne uvua ubabuikidila pavuabu benza bilema. Yeye mumane kubishibua ku lufu, wakamuenekela bayidi bende. Uvua mubalongeshe mua kuenza mudimu wa mushinga mukole uvuaye mubambile bua kuenza. Wewe muikale muledi, ambuluisha muanebe bua umvue ne: tudi petu ne bua kuenza mudimu au lelu.