Jesu wakavia pasi pano kuitira kupira upenyu wake kuti aponese vandhu vese. Pikija kuti iyena wakafa, Jesu wakanyisa nyika. Jehovha wainga wakagondeka ku Mwana wake, ngo kudaro wakamumusa. Pamukuvo wainga pasi pano, Jesu waijidodokesa, waishandira vamweni zve waivaregerera pavaita cishaishi. Pa kumuswa kwake, Jesu wakabudirira kuno vajiji vake. Iyena wakavajijisa kuti vangaitisa kudini basa raakavapa. Kudari uri mubari, beseranyi mwana wenyu kuti azwisise kuti tese tinodikana kuita basa rondhoro.