Talateu ki he Konga 13
Naʻe haʻu ʻa Sīsū ki he māmaní ke foaki ʻa ʻene moʻuí maʻá e kakai taʻehaohaoa. Neongo naʻá ne pekia, naʻá ne ikunaʻi ʻa e māmaní. Naʻe mateaki ʻa Sihova ki hono ʻAló peá ne toe fokotuʻu hake ia. Naʻe ngāue anga-fakatōkilalo ʻa Sīsū maʻá e niʻihi kehé ʻo aʻu ki heʻene pekiá peá ne fakamolemoleʻi kinautolu ʻi he taimi naʻa nau fai ai ha ngaahi fehālaakí. Hili ʻene toetuʻú, naʻe hā ʻa Sīsū ki heʻene kau ākongá. Naʻá ne akoʻi kinautolu ki he founga ke fai ai ʻa e ngāue mahuʻinga naʻá ne ʻoange ke nau faí. Kapau ko ha mātuʻa koe, tokoniʻi hoʻo kiʻi tamá ke ne ʻiloʻi ʻoku tau kau ʻi he ngāue tatau ko iá ʻi he ʻahó ni.
‘I HE KONGA KO ENÍ
LĒSONI 87
Kai Efiafi Fakaʻosi ʻa Sīsuú
ʻOange ʻe Sīsū ʻa e ngaahi fakahinohino mahuʻinga ki heʻene kau ʻapositoló lolotonga ʻenau kai efiafi fakaʻosí.
LĒSONI 88
Ko Hono Puke ʻo Sīsuú
Taki ʻe Siutasi ʻIsikaliote ha fuʻu kakai ʻoku nau toʻo heletā mo e pōvai ki he ngoue ko Ketisemaní koeʻuhi ke lava ʻo nau puke ʻa Sīsū.
LĒSONI 89
Fakaʻikaiʻi ʻe Pita ʻa Sīsū
Ko e hā ʻoku hoko ʻi he lotoʻā ʻo e fale ʻo Kaiafasí? Pea ko e hā ʻoku hoko kia Sīsū ʻi loto ʻi he falé?
LĒSONI 91
Toetuʻu ʻa Sīsū
Ko e hā ʻa e ngaahi meʻa fakaofo ʻoku hoko ʻi he ngaahi ʻaho hili hono tāmateʻi ʻo Sīsuú?
LĒSONI 93
Foki ʻa Sīsū ki Hēvani
Kae kehe, ki muʻa ke ne fai iá, ʻokú ne ʻoange ki heʻene kau ākongá ha ngaahi fakahinohino mātuʻaki mahuʻinga.