Makani Aantalisyo Aacibeela 13
Jesu wakaboola anyika kutegwa aabe buumi bwakwe akaambo kabantu batalondokede. Nokuba kuti wakafwa, wakaizunda nyika. Jehova wakasyomeka ku Mwanaakwe alimwi wakamubusya. Kusikila kulufwu lwakwe, Jesu cakulibombya wakabelekela bamwi alimwi akubalekelela ciindi nobakali kulubizya. Naakabusyigwa, Jesu wakalibonya kuli basikwiiya bakwe. Wakabayiisya mbobakeelede kuucita mulimo uuyandika kapati ngwaakabapede. Ikuti kamuli bazyali, amumugwasye mwanaanu kubona kuti andiswe mazuba aano, tulijisi lubazu mumulimo nguwenya ooyu.
MUCIBEELA EECI
Mulalilo wa Jesu Wamamanino
Jesu wabapa malailile aayandika kapati kuli basikwiiya bakwe ciindi nobacita mulalilo wamamanino.
Jesu Waangwa
Judasi Isikariote wasololela bantu banji ibajisi mapanga ankoli mumuunda wa Getesemane kutegwa bamwaange Jesu.
Petro Wamukaka Jesu
Ino ncinzi cacitika mulubuwa lwaŋanda ya Kayafa? Alimwi ncinzi camucitikila Jesu kali muŋanda?
Jesu Wafwa ku Gologota
Ino nkaambo nzi Pilato ncaalailila kuti Jesu ajaigwe?
Jesu Wabusyigwa
Ino nzintu nzi zigambya izyacitika nokwainda mazuba masyoonto buyo kuzwa ciindi Jesu naajaigwa?
Jesu Walibonya ku Bazubi Banswi
Ino Jesu wacita nzi kutegwa babikkile maano kulinguwe?
Jesu Wapiluka Kujulu
Katanaunka, wabapa basikwiiya bakwe malailile aayandika kapati.