Die vroeë Christene het die goeie nuus van die Koninkryk tot in die verste dele van die aarde verkondig. Jesus het hulle gelei na die plekke waar hulle moes preek. Hy het hulle ook wonderdadig gehelp om mense die waarheid in hulle eie taal te leer. Jehovah het hulle gehelp om dapper te wees en hulle die krag gegee om wrede vervolging te oorkom.

Jesus het aan die apostel Johannes ’n visioen van Jehovah se heerlikheid gegee. In ’n ander visioen het Johannes gesien hoe die Koninkryk van die hemele Satan oorwin en vir ewig ’n einde aan sy heerskappy maak. Johannes het gesien hoe Jesus as Koning heers en  hoe die 144 000 saam met hom heers. Hy het ook gesien hoe die hele aarde ’n paradys word waar almal Jehovah in vrede en eenheid aanbid.