የክፍል 14 ማስተዋወቂያ
የጥንቶቹ ክርስቲያኖች የመንግሥቱን ምሥራች እስከ ምድር ዳር ድረስ ሰበኩ። ኢየሱስ ለእነዚህ ክርስቲያኖች የት መስበክ እንዳለባቸው መመሪያ ሰጥቷቸው ነበር፤ እንዲሁም ሰዎችን በየራሳቸው ቋንቋ ማስተማር እንዲችሉ ተአምራዊ በሆነ መንገድ ረድቷቸዋል። ይሖዋ ድፍረትና የሚደርስባቸውን ከባድ ስደት ለመቋቋም የሚያስችል ኃይል ሰጥቷቸዋል።
ኢየሱስ ለሐዋርያው ዮሐንስ የይሖዋን ክብር በራእይ አሳየው። ከዚህም ሌላ ዮሐንስ የአምላክ መንግሥት ሰይጣንን ድል ሲነሳና የሰይጣንን ግዛት ለዘላለም ሲደመስስ በራእይ ተመልክቷል። ዮሐንስ ንጉሡን ኢየሱስንና 144,000 ተባባሪ ገዢዎቹን አይቷል። በተጨማሪም መላዋ ምድር ይሖዋን በሰላምና በአንድነት የሚያመልኩ ሰዎች የሚኖሩባት ገነት ስትሆን በራእይ ተመልክቷል።
