Беренсе мәсихселәр Батшалыҡ хаҡындағы яҡшы хәбәрҙе ерҙең иң йыраҡ төбәктәрендә лә вәғәзләгән. Ғайса уларға ҡайҙа вәғәзләргә кәрәк икәнен күрһәтеп торған. Кешеләрҙе өйрәтһендәр өсөн, Ғайса уларға мөғжизәле рәүештә төрлө телдәрҙә һөйләшеү һәләте биргән. Йәһүә иһә мәсихселәргә ҡыйыулыҡ һәм ҡаты һынауҙарға ҡаршы торорлоҡ көс биргән.

Ғайса илсе Яхъяға Йәһүәнең данын күрһәткән күренеш биргән. Башҡа бер күренештә Яхъя Күктәге Батшалыҡтың Шайтанды еңеүен һәм уның идаралығын мәңгегә юҡ итеүен күргән. Яхъя шулай уҡ Батша булып идара иткән Ғайсаны һәм уның 144000 хакимдашын күргән. Уға ерҙең  ожмахҡа әйләнеүе һәм бөтә кешеләрҙең, именлектә йәшәп, Йәһүәгә берҙәм хеҙмәт итеүе лә күрһәтелгән.