Amashiwi ya Kutendekelako mu Cipande 14
Abena Kristu ba mu nshita ya batumwa balibilile imbila nsuma iya Bufumu na mu fyalo ifyali sana ukutali. Yesu alibebele uko baali no kubila imbila nsuma, kabili mu cisungusho alilengele balasambilisha abantu mu ndimi balanda. Yehova alilengele baba abashipa kabili alibapeele amaka pa kuti batwalilile ukubila na lintu abantu balebacusha nga nshi.
Yesu alilengele umutumwa Yohane amona icimonwa ca bukata bwa kwa Yehova. Mu cimonwa cimbi, Yohane amwene Ubufumu bwa ku muulu bwacimfya Satana ne mitekele yakwe umuyayaya. Yohane amwene Yesu aleteka pamo na bakateka banankwe ababa 144,000. Na kabili Yohane amwene icalo conse caba paradaise umo abantu bonse balepepa Yehova mu mutende kabili bali abaikatana.
MULI ICI CIPANDE
Abasambi Bapokelela Umupashi wa Mushilo
Maka ya finshi ayo umupashi wa mushilo wabapeele?
Takwali Icali no Kubalesha
Intungulushi sha mapepo ishaipeye Yesu shalefwaya ukulesha abatuwma ukushimikila. Lelo balifililwe.
Yesu Asala Sauli
Sauli ali mulwani wa Bena Kristu, lelo ali no kwaluka.
Korneli Apokelela Umupashi wa Mushilo
Mulandu nshi Lesa atumiine Petro ku ng’anda ya uyu mwaume uushali mu Yuda?
UbuKristu Bwafika mu Fyalo Ifingi
Umutumwa Paulo na bamishonari banankwe batendeka ukubila imbila nsuma ku fyalo ifyali ukutali.
Kalinda wa Cifungo Asambilila Icine
Cinshi muli ili lyashi balandile pa cibanda, icinkukuma, no lupanga?
Paulo na Timote
Abaume babili balebombela pamo nge fibusa kabili ababomfi pa myaka iingi.
Paulo Bamutuma ku Roma
Nangu ca kuti ubulendo bwabo bwalyafishe, takwali icali no kulenga umutumwa ukubwelela inuma.
Ifyo Balangile Yohane
Yesu alanga Yohane ifimonwa pa fyo ifintu fikakonkana ukucitika ku ntanshi.
“Ubufumu Bwenu Bwise”
Ifimonwa ifyo Yohane amwene filanga ifyo Ubufumu bwa kwa Lesa bukalula ifintu pe sonde.
