Introduksiyon sa Seksiyon 14
Ang unang mga Kristohanon nagsangyaw sa maayong balita sa Gingharian hangtod sa kinalay-ang bahin sa yuta. Gitudloan sila ni Jesus kon asa mosangyaw ug gitabangan nga makatudlo gamit ang pinulongan sa ilang gitudloan. Si Jehova naghatag nilag kaisog ug kusog aron makapadayon bisan sa grabeng pagsulay.
Gihatagan ni Jesus si apostol Juan ug panan-awon sa himaya ni Jehova. Sa laing panan-awon, nakita ni Juan nga gipildi sa Gingharian sa langit si Satanas ug gitapos ang iyang pagmando. Nakita ni Juan si Jesus nga nagmando ingong Hari uban ang 144,000. Nakita sab ni Juan nga paraiso na ang yuta ug ang tanan nahiusa ug malinawong nagsimba kang Jehova.
NIINI NGA SEKSIYON
LEKSIYON 94
Nadawat sa mga Tinun-an ang Balaang Espiritu
Unsang milagro ang ilang nahimo tungod niana?
LEKSIYON 95
Walay Makapahunong Nila
Ang mga lider sa relihiyon nga nagpapatay kang Jesus naningkamot sa pagpahunong sa mga tinun-an sa pagsangyaw. Pero napakyas sila.
LEKSIYON 96
Gipili ni Jesus si Saulo
Si Saulo pintas nga kaaway sa mga Kristohanon, pero mausab ra siya.
LEKSIYON 97
Nadawat ni Cornelio ang Balaang Espiritu
Nganong gipaadto sa Diyos si Pedro sa balay niining dili Hudiyo nga tawo?
LEKSIYON 98
Midaghan ang mga Kristohanon
Si apostol Pablo ug ang iyang mga kauban misangyaw sa lagyong lugar.
LEKSIYON 99
Guwardiya Nakakat-on sa Kamatuoran
Sa unsang paagi ang demonyo, linog, ug espada naapil niini nga estorya?
LEKSIYON 101
Gidala si Pablo sa Roma
Peligroso kaayo ang biyahe, pero walay kalisdanan ang makapaluya niini nga apostol.
LEKSIYON 102
Mga Panan-awon ni Juan
Gipakita ni Jesus kaniya ang sunodsunod nga mga panan-awon bahin sa umaabot.
LEKSIYON 103
“Paanhia ang Imong Gingharian”
Ang mga panan-awon ni Juan nagpakita kon unsaon pagbag-o sa Gingharian sa Diyos ang kinabuhi dinhi sa yuta.
