Kabwarabwaraani Mwakoro 14
A kabutaanako te rongorongo ae raoiroi ae taekan te Tautaeka n Uea Kristian ake rimoa, nako tabon aonnaba. E anga te kairiri nakoia Iesu ibukin te tabo are a na uarongorongo iai, ao e buokiia rinanon te kakai bwa a na reireinia aomata n oin aia taetae. E angania Iehova te ninikoria ao te mwaaka bwa a na tokanikai i aoni bwainikirinaia aika korakora.
E anga Iesu te miitara nakon te abotoro Ioane ae kaota mimitongin Iehova. N te miitara riki teuana, e nora Ioane te Tautaeka n Uea ae bwaini karawa ni kataenikaia Tatan ao ni katoka ana waaki n tautaeka n aki toki. Ao Ioane e nora Iesu n tautaeka bwa te Uea ma raona ake 144,000. E nora naba Ioane te aonnaba ni kabutaa ae e a riki bwa te bwaretaiti, ike a a bane iai aomata n taromauria Iehova ma te rau ao te katiteuanaaki.
N TE MWAKORO AEI
REIREI 94
A Anganaki Taan Rimwin Iesu te Taamnei ae Raoiroi
Tera te kakai ae a kona ni karaoia ae a anganaki rinanon te taamnei ae raoiroi?
REIREI 95
Akea te Bwai ae Kona ni Katokiia
Mataniwi n Aaro ake a a tia n tiringa Iesu a a kataia ngkai ni kaini wia taan rimwin Iesu. Ma a aki kona.
REIREI 96
E Rinea Tauro Iesu
Tauro bon te tia kairiribai ae iowawa nakoia Kristian, ma e nang bitaki.
REIREI 97
E Anganaki Korenerio te Taamnei ae Raoiroi
E aera te Atua ngke e kanakoa Betero nakon ana auti te mwaane aei, ae tiaki te I-Iutaia?
REIREI 98
E a Butanako te Aro ni Kristian Nakoia Natannaomata Aika Bati
A moana aia mwakuri n uarongorongo te abotoro Bauro ma raona ni mitinare n aaba aika raroanako.
REIREI 99
E Reiakina te Koaua te Tia Tararuaiia Buure
A kangaa n taekinaki te taimonio, te mwaeiei, ao te kabaang n te karaki aei?
REIREI 101
E Kanakoaki Bauro Nako Rom
E rangi ni bati te kangaanga n te mwananga, ma akea te bwai ae kona ni kamamaraa te abotoro aei.
REIREI 102
Te Kaotioti Nakon Ioane
E anganna Iesu miitara teuana imwin teuana ibukin taai ake a na roko.
REIREI 103
“E Bia Roko Am Tautaeka n Uea”
E kaotaki n Te Kaotioti are e anganaki Ioane aron Ana Tautaeka n Uea te Atua ni bita te maiu i aon te aba.
