Introduksion sa Seksion 14
Ang mga Cristiano sang una nagpalapnag sang maayong balita sang Ginharian asta sa pinakamalayo nga bahin sang duta. Gintuytuyan sila ni Jesus kon diin sila mabantala kag ginbuligan sila nga magpanudlo sa lenguahe mismo sang mga tawo paagi sa milagro. Ginhatagan sila ni Jehova sing kaisog kag ikasarang para maatubang ang grabe nga paghingabot.
Ginhatagan ni Jesus si apostol Juan sing palanan-awon parte sa himaya ni Jehova. Sa isa pa ka palanan-awon, nakita ni Juan ang Ginharian sang langit nga nagpierde kay Satanas kag gintapos sini ang iya paggahom sing dayon. Nakita ni Juan si Jesus bilang Hari kag ang 144,000 nga kaupod niya nga nagagahom. Nakita man ni Juan ang bilog nga duta nga nangin paraiso, diin ang tanan nagasimba kay Jehova nga may paghidait kag paghiusa.
SA SINI NGA SEKSION
LEKSION 94
Nabaton sang mga Disipulo ang Balaan nga Espiritu
Ano ang milagruso nga ikasarang ang ila nabaton paagi sa balaan nga espiritu?
LEKSION 95
Wala sing Makapauntat sa Ila
Ang mga lider sang relihion nga nagpapatay kay Jesus gusto magpauntat sa iya mga disipulo. Pero indi nila ini mahimo.
LEKSION 96
Ginpili ni Jesus si Saulo
Si Saulo mapintas nga kaaway sang mga Cristiano, pero magabag-o ina.
LEKSION 97
Nabaton ni Cornelio ang Balaan nga Espiritu
Ngaa ginpakadto sang Dios si Pedro sa balay sini nga tawo nga indi isa ka Judiyo?
LEKSION 98
Naglapnag ang Cristianismo
Ginsugdan ni apostol Pablo kag sang iya mga kaupod ang pagbantala sa malayo nga mga lugar.
LEKSION 99
Natun-an sang Manugbilanggo ang Kamatuoran
Ngaa ginsambit sa sini nga istorya ang parte sa demonyo, sa linog, kag sa espada?
LEKSION 100
Si Pablo kag si Timoteo
Ining duha ka tawo tinuig nga nag-updanay bilang mag-abyan kag masigkaulipon.
LEKSION 101
Gindala si Pablo sa Roma
Delikado gid ang iya paglakbay, pero wala sing makapaluya sa sini nga apostol.
LEKSION 102
Ang Bugna kay Juan
Ginpakita sa iya ni Jesus ang sunodsunod nga mga palanan-awon parte sa palaabuton.
LEKSION 103
“Magkari ang Imo Ginharian”
Ang Bugna kay Juan nagapakita kon paano bag-uhon sang Ginharian sang Dios ang kabuhi diri sa duta.