Premye kretyen yo te gaye bon nouvèl Wayòm nan rive nan zòn ki pi lwen sou tè a. Jezi te di yo kote pou yo preche e, grasa yon mirak, li te pèmèt yo pale lang moun yo t ap anseye yo te pale. Jewova te ba yo kran ak pisans pou yo venk gwo pèsekisyon.

Nan yon vizyon, Jezi te fè apot Jan wè glwa Jewova. Nan yon lòt vizyon, Jan te wè Wayòm syèl la pote laviktwa sou Satan e li te mete fen nan dominasyon Satan an pou toutan. Jan te wè Jezi k ap dirije antanke Wa ansanm ak 144 000 moun k ap dirije avè l. Epitou, Jan wè tout tè a tounen yon paradi kote tout moun ap adore Jewova nan lapè ak nan tèt ansanm.