Orang Kristian ba kurun keterubah ngerembaika berita manah pasal Perintah Petara nyentuk ngagai ujung dunya. Jesus meri iring pasal endur sida patut nginjil, lalu nulung sida ngajar orang bukai ngena bansa jaku orang nya empu enggau chara ti ngalitka ati. Jehovah meri sida pemerani sereta pengering kena betan lebuh diperinsa enggau balat.

Jesus meri rasul John siti genera pasal mulia Jehovah. Ba genera ke bukai, John meda Perintah ba serega ngalahka Sitan sereta ngabiska kuasa merintah iya belama iya. John meda Jesus merintah nyadi Raja enggau 144,000 iku ke sama merintah enggau iya. John mega meda serata dunya nyadi paradais endur semua orang nyembah Jehovah enggau pemaik sereta penyerakup.