Introduksion iti Seksion 14
Inkasaba dagiti immuna a Kristiano ti maipapan iti Pagarian iti kaadaywan a paset ti daga. Insuro ni Jesus no sadino ti pangasabaanda ken inikkanna ida iti pannakabalin a mangisuro kadagiti tattao iti bukodda a lengguahe. Pinatured ken tinulongan ida ni Jehova tapno maibturanda ti nakaro a pannakaidadanes.
Babaen iti sirmata, impakita ni Jesus ken apostol Juan ti kinadayag ni Jehova. Impakitana met a ti Pagarian ti langlangit pinarmekna ni Satanas ken pinagpatinggana ti panagturayna. Nakita ni Juan nga agturturay ni Jesus kas Ari a kaduana ti 144,000. Nakitana pay a nagbalin a paraiso ti daga ken agkaykaysa ti amin nga agdaydayaw ken Jehova.
ITI DAYTOY A SEKSION
LEKSION 94
Immawat Dagiti Adalan iti Nasantuan nga Espiritu
Ania a pannakabalin ti inted kadakuada ti nasantuan nga espiritu?
LEKSION 95
Awan Makapasardeng Kadakuada
Dagiti lider ti relihion a nangpapatay ken Jesus kayatda a pasardengen dagiti adalan a mangasaba. Ngem saanda a kabaelan.
LEKSION 96
Pinili ni Jesus ni Saulo
Permi ti panangbusbusor ni Saulo kadagiti Kristiano, ngem nagbalbaliw.
LEKSION 97
Immawat ni Cornelio iti Nasantuan nga Espiritu
Apay nga imbaon ti Dios ni Pedro iti balay daytoy a lalaki a saan a Judio?
LEKSION 98
Immadu ti Nagbalin a Kristiano iti Adu a Nasion
Inrugi ni apostol Pablo ken dagiti misionero a kakaduana ti panangasabada iti adayo a lugar.
LEKSION 99
Naammuan ti Guardia ti Kinapudno
Ania ti koneksion ti demonio, ginggined, ken espada iti daytoy nga estoria?
LEKSION 100
Da Pablo ken Timoteo
Adu a tawen a nagkadkadua a nagserbi dagitoy a lallaki ken imbilangda ti maysa ken maysa kas gayyem.
LEKSION 101
Naibaon ni Pablo Idiay Roma
Nakarigrigat ti panagbiahena, ngem awan ti rigat a makapasardeng iti daytoy nga apostol.
LEKSION 102
Dagiti Nasirmata ni Juan
Nangipakita ni Jesus kenkuana kadagiti agsasaruno a sirmata maipapan iti masanguanan.
LEKSION 103
“Umay Koma ti Pagariam”
Ipakita ti nasirmata ni Juan no kasanonto a balbaliwan ti Pagarian ti Dios ti biag ditoy daga.
